U MLA ka UDP, u Paul Lyngdoh dang pyrkhat wei dang pait u ya ki laad wa em hakhmat yong oo iwa ye hadooh wow psiah cha kawi won ka seiñ saiñhima.
Ini toh hadien wa pteiñ u wow beiñ wei pynbaad ya u President ka UDP, u Metbah Lyngdoh deiwa ong wa toh i yahkhmat u iwa da pynman ya ka Party wow hiar ko khamtam hadien wa yut ki 8 ngut ki MLA ko cha ka BJP.
Hanla u Paul dang em hi u wa ka UDP kattæ, da sñiawthooh wa da em i yaklam wa kiwi ki Party kamjooh kiwa kyrchaan yong oo na West Shillong Constituency chwa wow chim yei rai.
Hawa yaklam wa kiwa thoh khubor ynne, u Paul da ong u wa dang pait u yei rukom pynkhreh ya ka Special Intensive Revision (SIR), kamjooh i kylla ki kaam synchaar khadar hapoh ka jylla wa ka ri khamtam ka Election chiteiñ samoi ka MP wa ka Election MDC ka GHADC.
Da ong u wa daw pait bniah bha u yeini chwa wow chim u ya iwon iwon i rai.
Discussion about this post