U SP ka East Khasi Hills, u Vivek Syiem da ong u wa toh i kaam wa sñiawkhia bha hadien wa mih i Video wa chna thok kiwa tip kam ki Deep Fake Video wa pynyoo ya oo wa u Deputy Chief Minister uwa pait leh ya ka chnat Home (Police), u Prestone Tynsong wa yaklam wei lehkmen ki yei khrong poisa ki pulit heiwa da pynyoo leh wa ya chong ki hakhmat kawi ka miej wa em poisa chiboon bha.
Ini i Video da mih i hadien wa mih khubor wa pynbaad yei khrong poisa pyrchah aiñ ki pulit na ki Truck ha u sarok Shillong Bypass.
U SP da ong u wa ki Video wa chna da ki AI kamjooh kiwi de kiwa da pynchna kam ki Meme toh kiwa joor bha katni wei ki bru kiwa em sakhiat yei sabut wa em i khrong poisa pyrchah aiñ toh u wan booh ki da ka FIR heithaw wow pynpoor ya kam kini ki jait.
“Ym em e laad næ pynchlur i ya ki pulit wow khrong poisa ki neibhah ini toh i kaam wym man,” da ong u SP.
Da ong u leh wa lada em ki kattu katni ki pulit kiwa leh ya kini ki kaam ym em mut wa waroh ki pulit man ki kamjooh kiwa em kamwa 2,500 ngut hapoh ka District.
“Ye u em ki soh wa pyut tangwa ym em mut wa waroh man ki i jooh hapoh ka chnat pulit,” da ong u Vivek.
Heiyatoh wa i Deep Fake Video da ong u wa ki pulit daw chim ki yei rai.
Discussion about this post