Chong ngiah noh u Messi na i lehbol ya ka Argentina ha i rta wa 39 snem

U khloor yalehbol ka pyrthai, u Lionel Messi da e khublei khaddooh u ya ka International Football ha ka 6 tarik hadien kamwa 21 snem wa yalehke na ka Argentina ha ka yalehke International Friendly Match ha madan Estadio Monumental ka nongbah Buenos Aires heiwa ka Argentina da jop ko ya ka Benin da 3-0 heiwa u Messi da thap u chi kool lyngba ka Penalty.

I e khublei da sdang i chwa wow poi u Messi ha madan, heiwa da yoo ya oo wa ñiaam u ya ki umkhmat katwa dang lai u da ka Bus heiwa da yang ya oo da ki lak ngut ki paidbah wa kyrchaan ya oo.

Manda poi ha madan, u Messi da hiar u chirup wa ki le ngut ki khon u, katwa ka kurim u, ka Antonela Roccuzzo wa ka bei u, ka Celia Cuccittini chong ki hapoh ka VIP Box.

Related posts

U pynyinsur ka sorkar ya ka samoi krehkaam ka GHADC sa 6 bnai

October 7, 2026

U leh biang da ka Rat-Hole Mining ym ye de, ka sorkar dadep ko wow tyrwa da ki rukom wa man Scientific kiwa yahaap cha i: Conrad

October 7, 2026

Hadien wa put ya i bisil wow pynkut ya ka yalehke, kiwa yalehke chirup wa ki paidbah da kbai ki “Olé, olé, olé, olé, Messi, Messi” deiwa rah leh ya ka Banner wow thoh ya ki kyntien “Eternal Captain” namo u Captain Yanom.

Neiliang u Messi da ong u wa daw sahnood u wym yoh de u yalehke na ka Argentina tangwa da kular u wow kyrchaan ya ka pateiñ wow wan.