Chong ngiah noh u Messi na i lehbol ya ka Argentina ha i rta wa 39 snem

U khloor yalehbol ka pyrthai, u Lionel Messi da e khublei khaddooh u ya ka International Football ha ka 6 tarik hadien kamwa 21 snem wa yalehke na ka Argentina ha ka yalehke International Friendly Match ha madan Estadio Monumental ka nongbah Buenos Aires heiwa ka Argentina da jop ko ya ka Benin da 3-0 heiwa u Messi da thap u chi kool lyngba ka Penalty.

I e khublei da sdang i chwa wow poi u Messi ha madan, heiwa da yoo ya oo wa ñiaam u ya ki umkhmat katwa dang lai u da ka Bus heiwa da yang ya oo da ki lak ngut ki paidbah wa kyrchaan ya oo.

Manda poi ha madan, u Messi da hiar u chirup wa ki le ngut ki khon u, katwa ka kurim u, ka Antonela Roccuzzo wa ka bei u, ka Celia Cuccittini chong ki hapoh ka VIP Box.

Hadien wa put ya i bisil wow pynkut ya ka yalehke, kiwa yalehke chirup wa ki paidbah da kbai ki “Olé, olé, olé, olé, Messi, Messi” deiwa rah leh ya ka Banner wow thoh ya ki kyntien “Eternal Captain” namo u Captain Yanom.

Related posts

Hap kitkhlieh ki pulit lada jia iyi iyi ya uwa siat yap ya 5 ngut ha Guwahati, ong ka yung bichaar

October 28, 2026

Khut sñiawbha ka St. Mary Mazzarello Girls HS School ya ki khynnah skur warim cha ka lehkmen dap 100 snem

October 28, 2026

Neiliang u Messi da ong u wa daw sahnood u wym yoh de u yalehke na ka Argentina tangwa da kular u wow kyrchaan ya ka pateiñ wow wan.