U William Rymbai da man u kam u Bodybuilder wa nyngkong dooh na Meghalaya wow yoh 3 tylli ki Takma Ksiar du ha kawi donhi ka Competition ha ka Junior wa ka Senior Men’s physique Category deiwa jop leh ya ka Overall Title Championship, hei rta wa dang 22 snem deiwa mihkhmat ya ka Meghalaya.
Kani ka yakob pynyoo dohksah toh kawa tip kam ka 2nd Mr & Miss Asia Bodybuilding & Fitness Championship kawa da pynman ha Shillong ha ka 10 tarik uni u bnai deiwa chimbynta leh kiwa na baar ri kam ka Bhutan wa Nepal.
Kani da man ko leh ka International Show wa nyngkong wa pynman ha Shillong.
Da ini i jop, da chah jied u William ha ka IBFA (International Bodybuilding Fitness Association) wow lai mihkhmat ya ka India cha ka Mr. World kawa daw pynman ha u snem 2027.
U William toh u khon ka Dika Rymbai wei i chnong yong oo toh na Khliehtyrchi wei da yalehke u ha Satar Gym Ummulong hapoh i pait i yoo namo ka Coaching u Dr. B Desire Kynjiñ.
Chooh chooh u William da man u kam uwa nyngkong dooh na Meghalaya wow yoh 3 tylli ki Takma Ksiar deilang wa ka Overall Title.
Discussion about this post