Le tylli ki thuk-thuk da tlær ki ha Chingrighata Flyover ka sorbah Kolkata kawi hadien kawi ha ka 14 tarik uni u bnai hadien wa ñiaam rong ya u sarok chwa ka Durga Puja.
Ya ini da yoh wow riñ da ka Dashcam ka kari iwa da poor bha ha Social Media heiwa da pynpyrkhat ko ya kiwa boon yei chngaaiñ ki sarok hadien wa ñiaam rong ya ki.
Ha i Video da yoo ya ki thuk-thuk wa lai na u sarok wa dadep ñiaam rong wei manda poi hei bynta wa dong da tlær ki kawi hadien kawi heiwa uni u sarok da man u leh uwa jhieh neiwa hiar slap.
Ini da pynman ya u Chief Minister ka West Bengal, u Suvendu Adhikari wow phah ya ki bru sorkar wow lai cha kani ka thaw katwa neiliang u Urban Development Minister, u Agnimitra Paul da phah pynman u da ka takit.
Da suba wa da pynemkaam da i rong wa stliang iwa pynemkaam yow niaam rong ya ki yung bru i wym yahaap wow biah cha ki luti syngkieñ wa lai ki kari heithaw wow pynemkaam da ki jait rong wa hoi u biah cha ki sarok.
Ini da pynkuslai ya kiwa boon wa em leh kiwi ki ar tylli ki Flyover kiwa da niaam rong kamni kawi toh ka Gariahat Flyover wa ka Chingrighata Flyover wei kamjooh leh ya u sarok wa tip kam u Red Road.
Ha ini i jia embhah ym em wa mynsoo.
Ynne ka sngi won da phah kari wow pynkhooid ya ini i rong.
Discussion about this post