Ka Foreigners Regional Registration Office (FRRO) ka sorkar India da e ko da ka Leave India Notice ko ya u Actor, u Imran Khan wow mih na India chwa ka 28 tarik u October hadien wa tyngkheiñ u ya ka Foreigners Act deiwa chimbynta u ha i yakhih pyrchah ya u Chief Election Commissioner, u Gyanesh Kumar ha August Kranti Maidan, Mumbai.
Ha ka 10 tarik u Imran da chimbynya u ha i yakhih wei hadien ini, u heh ka BJP u Kirit Somaiya da ujor u deiwa ong wa uni u Actor toh uwa chong chnong ka US wei da tyngkheiñ u ya ka Foreigners Act.
Da booh ya ka ujor ha Gamdevi Police Station wei da phah ya ka cha ka FRRO Department kawa da phah ya u Imran wow mih na ka ri hapoh ka 28 tarik uni u bnai.
Ha i yakhih ha August Kranti Maidan chirup wa u Imran da em ka Lekha Washington wa u Zayn Marie Khan chwa wow chah kem ki ha ki pulit.
U Imran Khan toh uwa em ya ka Passport ka USA wei em u leh ya ka Overseas Citizen of India (OCI) Card kawa chah ya ki bru kiwa na India wow sah kamjooh wow kreh ha India tangwa ym tipmit won ya ki kam ki tre ri hapoh India heiwa ym em hok ki leh wow thap Vote kamjooh wow chimbynta ha ki kaam Politics.
Discussion about this post