U Deputy Chief Minister ka jylla, u Prestone Tynsong uwa pait leh ya ka chnat Home (Police) da ong u ya ka VPP wow wan yaklam bait wa oo lada em iwon iwon i sñiawkhia ki heiyatoh wa i thung thymme ya u Director General of Police (DGP) heithaw wow yaklam yeini du ha ki laad pathai khubor.
Heiyatoh wa ini, u Prestone da ong u wa da bood ya ki kyndon katkam wa toh u leh yow thung ya u DGP.
Hawa kylli yeiwa paan ka UPSC yei pyrtuid kiwa biang wow man kam u DGP, u Prestone da ong u wa katkam wa phah wa paan da leh i lada toh na ka UPSC kamjooh da ka Home Ministry.
Heiyatoh wa i e por hadooh ka 30 tarik, u Prestone da ong u wa kani ym em che lada toh ka tarik wa khaddooh yow jied ya u DGP næ daw em chooh wa hap u leh hadien ini.
Ka VPP da pynbaad ko wa ka sorkar ym em leh ko yeini waroh heiwa ka sorkar da pynslem ko hadooh wa ka UPSC ha ka 24 tarik u September da pynkynmoo ko yeini cha ka sorkar.
Da ong leh wa i thung ya u DGP man ko iwa emkaam bha yow krehkaam ka aiñ.
Hajrong ini waroh, u Prestone da ong u wa sorkar da leh ko yeiwa emkaam wei lada ka VPP emkaam ko yei pynche ye ki wow wan yachem wa oo.
Discussion about this post