Kawi ka Scooty da chah thang ko deiwa suba wa pynemkaam da u Petrol Bomb uwa chah kawang hajan ka Shiv Mandir wa em ha Mawbah, Mawprem heipor kamwa 9:30 i miet ka 17 tarik.
Da em leh kawi ka dukan dai momo kawa chah kawang Petrol Pump tangwa ym em pdung u wei kani ka dukan toh kawa em ha kani ka jooh ka thaaiñ.
Katkam wa ong kiwa em chajan, da sñiaw ki yeiwa pdung chwa wow haap uni u Petrol Bomb hajan kani ka Scooty kawa pynyieñ ha rood sarok.
Ha ini wa jia ym em wa mynsoo tangwa da pynkhuslai ya kiwa boon kammon wow jia lada haap uni u Petrol Bomb ha ki yung wa em chajan.
Neiliang ki pulit dapoi ki wut wut cha kani ka thaw yow pynman yei takit heiwa da chem wym em kiwa mynsoo.
Neiliang u SP ka East Khasi Hills, u Vivek Syiem da ong u wa ki pulit da yoh yutip ki yeiwa jia wei dang takit ki yeini.
Hawa kylli lada toh u Petrol Bomb da ong u wa dang takit ki yeini chwa u ye i jubab wa paka.
Discussion about this post