Ynnin i miet ka 17 tarik heipor kamwa 7:40 da em 19 ngut ki bru wa da yap wei 25 ngut kiwa mynsoo nei chah yooh chah ban ha Chorbagan Sarbojanin Durga Puja Pandal ha North Kolkata.
Kani ka Pandal em ko ha Sarada Park (Chorbagan) ha Muktarambabu Street, hapoh ka Girish Park Police Station.
Kiwa boon na ki 19 ngut kiwa yap toh ki kynthai wa ki khynnah katwa ya kiwa mynsoo da kit cha Calcutta Medical College and Hospital.
I daw wa mih i ya yooh ya ban toh nei khynñia hadien hiar u slap heiwa ki bru da yut ki wow thooh thaw rieh wei i khian ki thaw psiah thaw mih kamjooh i duna i pynkhreh na kiwa pynlai dapoi chei jia ini waroh.
Neiliang ki pulit da kem ki ya ki 12 ngut kiwa kreh kamjooh kiwa pynlai ya ka Pandal heiwa u General Secretary ka Chorbagan Durga Puja Committee, u Jayanta Banerjee wa kiwi da hiar chuki noh ki.
U Chief Minister ka West Bengal, u Suvendu Adhikari da thung u da ka Committee wow khlieh da u Principal Secretary ka Disaster Management, u Rajesh Sinha, u Director General ka Fire Services, u Anuj Sharma wa kiwi wow leh ki yei takit.
Neiliang ka sorkar West Bengal da pynbna ko leh ya ka poisa yarap wa Rs. 25 lak cha kiwa yap wa i kreh sorkar hapoh ka Group D ya uwi u dkhot ka yung katwa u Prime Minister Narendra Modi da pynbna u Rs. 2 lak cha kiwa ha-yung kiwa yap wa Rs. 50,000 cha kiwa mynsoo.
Discussion about this post