Ki 14 ngut ki bru wa lai Puja da yap ki wei da mynsoo kattu katni kiwi tawon hadien wa chah tyrrah ha ka Truck kawa ym ye de u sangeh hajan ha Sheetla Mata Temple, Gwalior District ka jylla Madhya Pradesh.
Ini da jia i ynne i step synyaaw heipor 1:30 wei kani ka Truck toh kawa kit kba na Chhinor chwa wow tyrrah ko ya ki bru wa lai Puja.
Ki pulit da ong ki wa ka truck da tyrrah ko ya ki Barricade wa da booh wei neitæ da tyrrah ko ya ki bru chwa wow tyrrah ha i thaw psiah ka mandir.
Ha ini i jia da kit ya ki 39 ngut ki bru cha Hospital heiwa 14 ngut na ki da yap ki, da ong u Gwalior Senior Superintendent of Police u Dharmveer Singh wei san ngut toh kiwa da mynsoo joor.
Ar ngut ki pulit kiwa em ha ini i thaw leh da mynsoo ki.
Ka Collector ka Gwalior, ka Ruchika Chauhan da ong ko wa da phah takit kammon poi ka Truck ha i thaw wa da khang pyrchah u lai heiwa da em ki Barricade wa ka Police Checkpoint.
Da phah leh ya ki bru na ka Regional Transport Office wow sylli ya ka Truck kamjooh wow tip yei daw wa tyrrah ko ya ki bru.
Discussion about this post