Pynyap ka Saudi Arabia ya u chynrang wa ka kynthai kiwa na Bangladesh kiwa leh khlem akor hapoh ka Mosque ha Mecca

Ka ri Saudi Arabia da pynyap ko ya ki ar ngut kiwa na Bangladesh kiwa tip kam u Nazrul Islam Abdul Basir wa ka Sithi Akter hadien wa chah pynbaad ki wa leh khlem akor ki hapoh ka Mosque wa em ha ka chnong wa kyntang ki Muslim wa tip kam ka Mecca.

Ym em tip che iyi wa leh kini ki ar ngut heiwa ym em leh ong wa lada toh ki chi kurim wei lada toh kiwa sah ha Saudi Arabia næ kiwa wan na Bangladesh neibynta ki kaam niam.

ADVERTISEMENT

Ya kini ki ar ngut da pynyap ha ka 14 tarik uni u bnai heiwa yeini leh ym em khana che ka Saudi Arabia kammon leh ki lada dei khrai khlieh, dei siat næ deiwa pasi ki.

Related posts

Daw psiah NPP noh u Paul, u Nujorki wa u Renikton

October 19, 2026

Khut ka Khimusniang ya kiwa kwah u thied ya ka Khruk Khruk, Pynskit (Poisa) wa Fast Food

October 19, 2026

Ka Ministry of Interior ka Saudi Arabia da ong ko wa da takit ya kini ki ar ngut heiwa da lai yah ki hakhmat ka yung bichaar kawa da rai wow phah pynyap ki hapoh ka Ta’zir katkam ka aiñ Islam.

Ha ini wa jia wot ka Embassy ka Bangladesh wa em ha Saudi Arabia leh ym em tip ki kammon da chah bichaar kini ki ar ngut wot hadooh wa chah pynyap ki.