Daw psiah NPP noh u Paul, u Nujorki wa u Renikton

Hadien wa ki 8 ngut ki MLA wa thymme ka BJP da yoh ki yei tipmit na u Speaker ka Assembly, ka UDP da sah ko sa du 4 ngut donhi ki MLA.

Ki MLA wa dang sah kynthup ki ya u Metbah Lyngdoh, u Paul Lyngdoh, u Nujorki Sungoh wa u Renikton Lyngdoh.

Ka khubor wa tikna wa da yoh da ong wa kattu ki le ngut ki MLA ka UDP u psiah noh ki cha ka NPP wei kini ki le ngut kynthup ki ya u Paul Lyngdoh, u Nujorki Sungoh wa u Renikton Lyngdoh.

Yeini da antaad wow leh ki myntu ka sngi deiwa lai yachem wa u Speaker, u Thomas A. Sangma ha Shillong yow pynbait noh yei psiah ki cha ka NPP.

Ini i lai psiah ki le ngut cha ka NPP ym ktah ko neibhah da em ki yei boon paaid yow lait i chah Disqualify hapoh ka Tenth Schedule.

Ini kattu ye ko wow wanrah yei kylliang chuki ki Minister sorkar heiwa u Metbah Lyngdoh uwa man leh kam u President ka UDP dang ksoh u ya ka chuki kam u Minister ka Power Department, Textiles Department, Water Resources Department wa Taxation Department.

Related posts

Da ki phaw hajar wa wan cha ka Gospel Concert ha Tura kawa pynman deiwa kyrchaan ka sorkar

November 9, 2026

Yoh ka Meghalaya Rs.18.78 klur na ka sorkar pyrdi khnang wow pynneh yei suk

November 9, 2026

Yei kylliang chuki da antaad wow pynbna hadien wa kut ka chuti Puja.