Ym em booh kyndon wa kwah chuki sorkar ki MLA ka UDP chwa u psiah NPP: Prestone

U State President ka NPP, u Prestone Tynsong ynne da ong u wym em booh kyndon ki le ngut ki MLA ka United Democratic Party (UDP) kiwa da psiah noh cha ka National People’s Party (NPP), deiwa pynche wym em psiah ki deiwa kwah chuki Montri sorkar.

Kini ki le ngut ki MLA toh u Paul Lyngdoh uwa mihkhmat ya ka West Shillong, u Renikton Lyngdoh Tongkhar uwa mihkhmat ya ka Mawkyrwat wa u Nujorki Sungoh uwa mihkhmat ya ka Mowkaiaw wei da ini i psiah kin ki le ngut da ku ki MLA ka NPP cha ka 36 ngut hapoh ka Meghalaya Legislative Assembly.

ADVERTISEMENT

Hawa yaklam wa kiwa thoh khubor hadien wa u Paul Lyngdoh wa u Renikton Lyngdoh Tongkhar da lai e ki ya ki kot ki sla cha u Assembly Speaker, u Thomas A Sangma yow psiah noh cha ka NPP, neiling u Prestone da ong u wa ini toh neidaw wa kini ki MLA ngait ki wa ka NPP toh kawa ye u leh yeiwa angnood ki.

“Ymtoh wa kwah chuki sorkar. U Paul Lyngdoh da ong u deiwa che wa i psiah NPP mut i wa em ki kaam wa ka NPP kawa ye u leh. Ym em paan chuki ki wei ym em leh booh ya kani ka kyndon, ” da ong u Prestone.

Related posts

Daw hap pait lada ki MLA ka UDP psiah ki cha ka NPP dei mon laitlooid: Speaker

October 19, 2026

Boon ki daw nadooh wa chah pynhiar chuki, i wym em i burom kylliang wot u President leh uwa da kut samoi krehkaam, ong u Paul hawa mih na ka UDP

October 19, 2026

U Prestone da ong u wa kattu u yang yeiwa mynjur wei tipmit u Speaker yeini wei daw pynbna leh ya ka sngi yow pdiang noh ya kini ki le ngut cha ka NPP.

Da pyntip u leh wa u Nujorki ym em yoh u wow wan ha kani ka sngi wow emlang neidaw wa dang hap leh Medical Check-Up u.