U Speaker ka Meghalaya Legislative Assembly, u Thomas A. Sangma hadien wa ki le ngut ki MLA ka United Democratic Party (UDP), kitæ u Paul Lyngdoh, u Renikton Lyngdoh Tongkhar wa u Nujorki Sungoh da booh ki ya ki kot ki sla ynne yow psiah noh cha ka National People’s Party (NPP), da ong u wa daw hap bichaar bniah ya ki kot ki sla ki.
Da ong u wa yeini waroh ym ye wow kheiñstiñ næ wow leh tangdep hanla dang dep wot wow tipmit yei psiah ki MLA cha ka Bharatiya Janata Party (BJP).
Da kdaw u wa deiwa pait yei boon paaid ym em man iwa lait na ki kyndon tangwa kattæ leh daw hap wow bichaar bniah wei daw ap u leh kammon ong ka aiñ heiyatoh wa ini.
Chooh chooh da ong u wa hap wow pyntikna wa waroh ki le ngut da leh ki yeini dei mon wa laitlooid heiwa ynne u Nujorki Sungoh ym em wan u neidaw wym em u hapoh ka jylla wa hap lai phah sumaar u. Wei yeini daw hap wow pynsakhiat wa u Nujorki wei ye leh wow leh Online wow yaklam wa oo. Da ong u leh wa daw hap pait kammon ka aiñ ong ko wa lada ye u leh yeini khlem da em u Nujorki dei bru.
Da kdaw u wa ha kani ka por wa man u kam u Speaker kani da man ko ka sien wa san wa em kam ini i mih yow lai psiah cha kawi ka Party.
Discussion about this post