Boon ki daw nadooh wa chah pynhiar chuki, i wym em i burom kylliang wot u President leh uwa da kut samoi krehkaam, ong u Paul hawa mih na ka UDP

U MLA ka West Shillong, u Paul Lyngdoh da ong u wa ki daw em ki chiboon iwa pynman wow mih na ka UDP tangwa kawi kaw rap kongsan toh wa ha u snem wa dep ka UDP da rai ko wow pynkhlan noh ya ka Party hadien wa cha pynrem ha ka MP Election ha ka VPP.

Tangwa kitæ ki bru wa rai yow pynkhlan ya ka Party, da chet kylla ki nadien deiwa pynhaap chuki ya oo wa ya u Kyrmen Shylla.

Da ong u wa ki 8 ngut ki MLA ka UDP kiwa da yut na ka UDP cha ka BJP toh hajrong kani ka yurim wei kamjooh leh ya oo wa ki 2 ngut kiwi leh.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

Da ong u leh wa ka samoi krehkaam u President ka UDP da kut wei u General Secretary leh toh du u Acting, kammon u ya krehkaam wa kam katæ Party wei ka Party kawa rap biang toh ka NPP.

Da ong u wa i psiah NPP ym em kawon kawon ka kyndon wow e chuki Montri sorkar tangwa ka kyndon kawa da booh toh wow burom mar kylliang kawa ym em yoh ha ka UDP.