Ka yung bichaar wa em ha Delhi ynne da phah ko wow kset ya u Amir Shokeen ha kti ki pulit san sngi heiyatoh wa i klam beiñ u ya uwi u khynroo uwa na Tripura iwa da bna pyrthai hadien wa poor i Video wa pynyoo yeini heiwa u Amir da khut u ya uni uwa na Tripura kam u President ka China, da khut pyrtuid u leh ya ka Tripura kam u Chudpura wei da klam wei tba khlem akor u ya uni u khynroo deiwa pynbaad ya oo kam u Gay.
Ya u Amir da rah hakhmat ka Additional Sessions Judge, ka Shilpi Jain ynne hadien wa kut i phah kset ya oo chi sngi da ka Judicial Custody.
Ki pulit da pyntip ki hakhmat ka yung bichaar wa hap ki wow lai yah ya u Amir cha Ahmedabad yow pynyoo u ya kiwi de ki bru kiwa emkit heiwa jia yow kem ya kini leh.
Neiliang won u khynroo uwa na Tripura uwa dang 19 snem i rta uwa da hap wow maad yeini waroh da ong u wa da maap u ya u Amir hadien wa dep u wow paan maap hadien kem ya oo ha ka 22 tarik.
Ini i Video katkam wa chem kattæ toh iwa da riñ kamwa chi bnai nachwa ha Ahmedabad wei uni uwa na Tripura da ong u wa ym tip u wa heitu i por wa jia wa em wa riñ Video tangwa da tip u yeini du ha kini ki sngi wa dep hadien wa em wa booh ki ha Social Media. Da ong u leh wa ym em tipmit u ya u Amir tangwa tipmit hi u ya uwi na ki lok u.
Da khana u wa ini wa jia da ktah bha ko ya oo uwa kreh kam uwa sait wa khlæiñ ha kawi ka Restaurant ha Ahmedabad.
Da ong u wa ym em kwah u wow chah kem u Amir neibhah wa ym em kwah u wow embynta wa ka aiñ wei tieñ u leh ya iwa ye u jia ya oo neibhah wa kreh u ha kani ka chnong wei phah poisa u cha ka yung u ha Tripura wei ka tulop u leh toh du Rs. 10,000 donhi chi bnai.
Chooh chooh da ong u wa da lai skur u du hadooh ka Class-9 donhi ha Agartala wei da wan u cha Ahmedabad yow thooh kreh kamwa le bnai chiteiñ nachwa.
Yeini wa jia da pynchrai ya kiwa boon hadooh u Montri ka sorkar pyrdi, u Kiren Rijiju uwa da dawa wow pynchitom ya u Amir yow thngaad u wei yow lait kiwi wow leh yeini i jooh.
Discussion about this post