Wot ki Liang Pyrchah yaroh ki ya ka sorkar NPP ha ki kaam pynroi: Renikton

U MLA warim ka UDP na Mawkyrwat, u Renikton Lyngdoh Tongkhar da ong u wa wot ki Liang Pyrchah yaroh ki ya ka sorkar NPP heiyatoh wa ki kaam pynroi.

Yeini da ong u Renikton hawa psiah u cha ka NPP chirup wa u Paul Lyngdoh wa u Nujorki Sungoh.

Da ong u wa wot u pa u uwa da palat 80 snem da wan kyrchaan u ya oo wow psiah u cha ka NPP chirup wa ki payu wa ki khon u.

Yei daw wa yut seiñ, u Renikton da ong u wa em jar i sñiaw tangwa chirup da rai ki wow psiah cha ka NPP wow Paul Lyngdoh deilang wa u Nujorki Sungoh. 

Related posts

Che i suiñ bneiñ ka Mumbai hadien wa psiah ka Jio ha ka Stock Market

October 29, 2026

Psiah ki dkhot thymme cha ka HNYF East Jaiñtia Hills

October 29, 2026

Da ong u wa u Blai wa yahluti tæ wai ka laad wow psiah cha ka NPP deiwa pynrap wa u Chief Minister wa oo da em ki chirup heipor wa sñiawsih wei da emkaam u wow emlang wa oo heipor wa bha hanla chimpor i kattu katni snem leh.  

Da yaroh u leh ya kiwa yahkhmat ka NPP nadooh u Chief Minister u Conrad Sangma, ki Deputy CM u Prestone Tynsong wa u Sniawbhalang Dhar heiwa da ong u wa yoo u ya u bru wa khlan wei uwa stat kamjooh uwa em ar tylli ki tympha wa ye u kit yeiwa khia.