Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

U Railway Minister, u Ashwini Vaishnaw da pynbna u ya ka Bullet Train Northern Corridor ka wow pynyabi ya ka Guwahati, heiwa ka Assam u embynta noh ko ha ka High Speed Train ka India.

Ini wan i hadien wa u Chief Minister ka Assam, u Himanta Biswa Sarma da kyrpaad u ya ka sorkar pyrdi wow wanrah ya kani ka luti na Siliguri ka West Bengal cha Guwahati heiwa nyngkong dang mut u pynyabi du ya ka Delhi wa Siliguri lyngba ki sor ka Uttar Pradesh wa Bihar.

U Vaishnaw da pynbna u ynnin wa u Prime Minister Narendra Modi da pdiang u ya ka Northern Bullet Train Corridor ka wow pynyabi ya ka Delhi, Agra, Kanpur, Lucknow, Ayodhya, Varanasi, Prayagraj, Patna wa Siliguri chwa wow wanrah ya ka cha Guwahati.

U Vaishnaw da ong u wa deiwa dep kani ka Corridor namo ka luti rel, i lai na Delhi cha Kanpur u chimpor i 1 kynta 45 minit, na Delhi cha Agra kamwa 59 minit wa na Delhi cha Lucknow kamwa 2 kynta 12 minit.

Related posts

Phooh phieñ i pynkut lehkmen dap 100 snem ka St. Mary Mazzarello Girls HS School Jowai

November 1, 2026

Yoh ki pulit u kem ya uwa tooh ya ki chaka ki kari Thar

November 1, 2026

Na Lucknow–Varanasi u chimpor 1 kynta 21 minit wa na Varanasi cha Delhi 3 kynta 35 minit.

U Himanta da ong u wa da kani ka Bullet Train daw chimpor du hapoh 8 kynta na Guwahati cha Delhi.