Sa ha ki Homeguard chah hikai ka Darrang wow yarap ya kiwa wan uiñke sawari

Jowai: Hadien wa wai ya ka Darang Tourist Spot ha ka chnong Darrang, ka Darrang Tourism Promotion and Development Society (DTPDS) deilang wa kiwa chong chnong, ha ka 17 tarik uni u bnai da chah hikai ki hajrong wa kammon u yarap ya ki wa wan uiñke sawari kamjooh leh ya kiwa em hei ma ki mynsoo kam i ngam um wei da wan e sikai da ka tnat Home Guards and Civil Defence yong ka West Jaiñtia Hills District.

Kani ka esikai da pynman ya ka dei yarap ki bor district ka West Jaiñtia Hills yow wanrah ya ka “Responsible Tourism” namo ka kitkhlieh ki paidbah kiwa im na ka kaam Uiñke Sawari.

Ha ka tai ka sngi kiwa sikai ka Home Guards and Civil Defence da wan poi ki ynñiaw ngut hapoh i yah khmat u K. Suchaing. Ki paidbah ka chnong Darrang kiwa wan chimbynta toh kiwa kiñ lieñ.

Kiwa sikai da batai ki boon tylli ki buit wa kammon u yarap ya ki bru hawa em i jia mynsoo. Da pynsñiawthooh ki wa ha i por wa u bru mynsoo u na ki kjat heiwa ym ye de u u lai toh u kdoh lang ya ka kjat uwa yarap chirup wa uwa mynsoo. Hei jooh i por leh ye u thaiñ ya ki kti kiwa wan yarap yow man ko kam ka chuki yow rah ya uwa mynsoo lada kiwa yarap em ki arngut namo le ngut. Da sikai leh wa kammon u pynemkaam da ka kymmor (Blanket) yow kit bru.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da batai leh kammon u kdoh Bandage ya kiwa mynsoo kamjooh kiwa joor wa mih i snaam. Da batai che leh kamoon wow leh yei jooh ha waroh ki bynta i doh i pran kiwa mynsoo.

Da e leh ya ka sikai da ki Home Guard wa kammon wow kdoh tylle yow kit ya ki bru wa mynsoo kamjooh wow pyllait ya kiwa sah kut cha synrang wa kiwi kiwi.

Ha ka 24 tarik yong u bnai wa da dep, kani ka chnong leh da dep yoh sikai ko wow leh ya ka CPR (Cardiopulmonary Resuscitation) ya kiwa ngam um wei kammoh u pyllait im ya kiwa mynsoo chwa wow wan ka Ambulance.

Ka DTPDS da pynsñiaw ko yei sñiawngooh ya ki sahep sorkar waphær waphær khamtam ya u R. Rapthap, DC WJH, u DM Wallang, ADM kiwa da yarap wow pynman ya kani ka esikai.

Kani toh katkam ka khubor wa phah da u Reachingson Kongwang, Chairman DTPDS wa u Lucas Pohti, General Secretary ka DTPDS.