Ynne ka sngi u Deputy Chief Minister ka jylla, u Sniawbhalang Dhar hawa e i klam ha ka yalang wow wai ya ka Office u BDO ka Thadlaskein C&RD Block, da ong u wa ynne man ko ka sngi wow sahkynmoo heiwa da ye u booh hadooh 25 tylli ki mooyurim ha ka jooh donhi ka sngi.
Da ong u wa hawa booh mooyurim ym em mut i wow kut noh, tangwa em ki kreh kiwa dadep, kiwa daw leh kamjooh kiwa dang kreh khyrnang.
U Sniawbhalang da ong u wa man iwa sarong bha ya ka Ri-loom Jaiñtia heiwa da em sa du 18-19 tylli donhi ki chnong kiwa ympu em sarok.
Da khana u wa em kawi ka Project kawa daw chna kawa phær bha ha Northeast heiwa ka Project sarok Greenfield na Ri-bhoi hadooh Ratacherra kawa Rs. 21,000 klur heiwa na ki 6 kynta u lai Guwahati lyngba kani ka sarok daw poi hapoh 3 kynta i wow pynduna yei lut phñiang wei por.
Chooh chooh da ong u wa ynne da wai ya ka Rehab Centre kawa 25 pyllong kam ka dak wow yakhun ya i ngop ki khynroo ha i drugs.
Da ong u wa em chiboon i emkaam wei daw leh yeitæ kajiak chisien deiwa kdaw ya ka Block Office heiwa da em ko da ki phaw snem wei ynne da ye u wai ya ka yung krehkaam wa thymme.
Da kyruiñ cha ki luti syngkieñ heiwa da booh mooyurim ya u sarok Sutnga Saipung wa Rs. 400 klur tam, u sarok na Mustem cha East Jaiñtia Hills heiwa ka poisa wa da yoh ka Ri-loom Jaiñtia du na ka sorkar jylla ha ki kaam pynroi da kynjoh i chadooh Rs. 2,500 klur.
Heijooh i por da ong u wa em ki por kam kiwa mihkhmat boon i duna khamtam wym yoh por u klam phone wei u chong parom tangwa kreh ki deiwa e nongmuna ya ynne ka sngi wa yoh u booh hadooh 25 tylli ki mooyurim.
Discussion about this post