Heiyatoh wa i lehkmen Diwali, da pyntip paidbah wa hap ki wow bood ya ki kyndon wa da booh ha ki thaw wa em hapoh wa cha rood ka sor Shillong yow chngaaiñ kiwa chong chnong kamjooh wow yada ya ka rymaw hei rukom wow man i lehkmen wa pynneh yei suk i saaiñ.
Heiyatoh wa ini, neiliang u District Magistrate ka East Khasi Hills da pyntip u wa deiwa bood ya ka hukum ka Supreme Court, u chah yei thang bomkala du heipor 6:00 AM hadooh 7:00 AM wa nadooh 8:00 PM hadooh 10:00 PM ha ka 6, 7 wa 8 tarik uni u bnai November.
Da phah wa ki khynnah ymtoh u em ki ha ki thaw wa thang bomkala, ki Rocket manda thang ymtoh u thang ha ki thaw wa em ki yung wa boonmala kamjooh ki dieñ.
Da khang leh wow thang bomkala ha ki thaw wa em chajan ki skur, ki Hospital, ki Dispensary, ki Old Age Homes wa ki Children’s Home.
Da kyntu leh ya ki paidbah wow pynlang ki yei jhep katkam ka aiñ Solid Waste Management Rules, ka Plastic Waste Management Rules wa kiwi de ki kyndon aiñ kiwa yada ya ka rymaw.
Hadien wa thang ya ki Diya wa ki bomkala da kyntu ya ki paidbah wow sait bha ki yei kti da ka um wei sabon ymtoh da ki Hand Sanitizers neibhah kini toh kiwa ye u kop diñ.
Da sneiñ leh ya ki paidbah wow thied ki da ki bomkala wa em ya ka Green Crackers Certificate wa e da ka CSIR-NEERI deiwa pyrkhat yow pynduna yei chah ktah ka rymaw.
Lada chem ya kiwa tyngkheiñ kyndon ye wow pyntip deiwa Phone ha u Police Control Room: 0364-2215427/100 wa u 6009196479.
Discussion about this post