Shillong: Em ki du 6471 ngut kiwa mylla sngi ha ka jylla kiwa da register wow yoh yarap na ka sorkar khamtam ka bai dawai dachin wa kiwi ki skhim da ong ka Montri ka tnat Labour Department ka Ampareen Lyngdoh.
Yeini da jubab ko yeiwa kylli u MLA ka Nongthymmai u Dr. Jemino Mawthoh ha yung dorbar chna aiñ ka jylla ynne ka sngi.
Da pyntip ko wa ka sorkar e yarap ko ya ki wa mylla sngi toh heipor kha khon, baibaam tymmen, wow thied yung, ya kiwa duna hei doh i pran, ka ram wow thied tiar, hawa yap, ka bai sumaar, wa kiwi kiwi.
Hei yatoh weini u Dr. Mawthoh da ong u wa du 6000 kiwa mylla wa register dang duna ware i ha kani ka jylla kawa em boon ngut kiwa mylla sngi wei emkaam ka sorkar u pynche paidbah ko yeini khnang wow myntoi kiwa mylla sngi neini.
Ka Montri da ong ko wa yeini toh u leh da ki Kontractor wow pynpsiah pyrtuid ya kiwa mylla tangwa kiwa kreh mylla won ym wan ki chakhmat.
“Ka sorkar booh ko T. 10 uwi u wa mylla wow pynsiah pyrtuid ha ka register kiwa toh u em hapyrdi 19-60 snem”, da ong ka Montri.
Discussion about this post