Ki pulit ka Churachandpur District ka jylla Manipur deiwa ya krehlang wa ka 1st IRB, 58 Bn CRPF, NAB wa ka Forest Department da lai thwat ki yei thaw rep Poppy wa em ha Thangjing Hill Range, Churachandpur District deiwa emlang u Executive Magistrate.
Kani ka thaw rep toh kawa heh 45 Acre heiwa da thwat wei da phut lut ya waroh uni u Poppy.
Heipor wa leh yeini ym em chem ya ki bru wa rep ya uni u Poppy tangwa neidaw wa kani ka thaw haap ko hapoh ka chnong Lhangnom, kamtæ da phah hajir ya u waheh chnong yow wan u hakhmat ki pulit.
U Poppy toh uwa ye u pynemkaam yow chna Heroin, Opium wa kiwi de ki jait Drugs.
Ha ka jylla Arunachal Pradesh won, ki bru ka Narcotics Control Bureau (NCB), Itanagar Zonal Unit deilang ki bru ka SSB, CRPF wa ki Arunachal Pradesh Police da lai thawt lai pynkhooid ki ya i thaw wa heh 458 Acre wa pynemkaam yow thung bhang iwa haap hapoh ka Kalaktang Sub-Division, West Kameng District.
Ini da sdang nadooh ka 26 tarik u October hadooh ka 3 tarik uni u bnai heiwa da ah hadooh 1.37 lak Kg u bhang kiwa da thung ha ki thaw yong chnong.
Ha ini waroh da pynemkaam hadooh 118 ngut ki pulit deiwa yarap leh ki bru ka Sashastra Seema Bal, ki Central Reserve Police Force, ki Arunachal Pradesh Anti-Narcotics Task Force, ki West Kameng Police deilang ki bor District.
Chwa wow leh yeini da pynman ya ka Survey da ki West Kameng Police wa ki bor District wei da pynemkaam leh da ki Satellite Imagery wa e da ka NCB yow chem ya kini ki thaw rep bhang.
Discussion about this post