Chem ka KSU ya ki dak ki chin wa lai bait i pynkreh ya ka karkhana ka Shree Cement wot hawa da phah sangeh

Kiwa yahkhmat ka KSU (CEC) wa kynthup ya u President, u Raymond Kharjana wa u General Secretary, u Reuben Najiar da beiñ joor ki ya ki damok kiwa speiñ yei dur khmat kiwa da mih deilang ki tiar pynmynsoo deiwa rah wait wa ki moo yow khangluti ya ki dkhot ka seiñ wei wow pyndooh mynsien yei yakhih deiwa pyntieñ pynsmiej ya kiwa chong chnong ka thaaiñ.

Ka Khasi Students’ Union (KSU) ynne da hiar ko cha ka thaw wa thmu wow booh ya ka karkhana ka Shree Cement ha Daistong, East Jaiñtia Hills heiwa da yachem ko leh wa kiwa chong chnong katai ka thaaiñ kiwa yieñ pyrchah ya ka Shree Cement.

Related posts

Tooh ki damok ya ki sah chkoor ksiar ka bru wa 82 snem kawa chong hang sngi ha lait yung

November 7, 2026

Yap noh ki le ngut nei iñ wei pdung ka thaw booh phñiang ka Oil India Limited ha Assam

November 7, 2026

U Raymond Kharjana da ong u wa ka Shree Cement toh kawi na ki mat wa hakhlieh dooh napyrdi ki 5 tylli ki mat wa ka KSU da chim ko wow dawa na ka sorkar. Heiwa da pynsñiaw u yei diaw wa ka Fact Finding Committee kawa da thung da ka sorkar ym pu em lai ko cha katai ka thaaiñ yow ap yei sñiaw ki paidbah.

U General Secretary ka KSU, u Reuben Najiar da maham joor u ya ka Fact Finding Committee yong ka sorkar, wym em lai takit næ ap ko deiwa bniah ya kiwa chong chnong. Heijooh i por da pynsñiaw wa ka Status Quo kamwa da klam ka sorkar ym em pynneh ka neibhah em ki dak ki chin wa ki tiar ki tar wa kynthup ki kari wa ki JCB wa em ki ha katai ka thaw heiwa da kylli u wa lada ym em kreh toh u kyrriah noh ya waroh ki tiar ki tar.