Da ki phaw hajar wa wan cha ka Gospel Concert ha Tura kawa pynman deiwa kyrchaan ka sorkar

Ynnin ka sngi ka 8 tarik ki paidbah da ki phaw hajar da wan ki cha PA Sangma Stadium ha Tura wow sakhi ya ka Gospel Fest 2026 ya kawa pynman da ka Youth Ministry yong ka Garo Baptist Convention (GBC) heiwa da wan sakhi ya ka da ki waheh, ki khynroo khyllood wa ki khynnah. 

Ya ki kyntien pdiang burom da e da u Rev. Durasal R. Marak, Youth Director ka GBC, ki kyntien waiphang na u Chukame R. Marak, Assistant Pastor ka Niksenggittim Baptist Church, wa u Salmikjrang N. Areng, Assistant Pastor ka Balsri Gittim Baptist Church.

Neiliang ka Dr. Mehtab Chandee Agitok Sangma kawa man ka MLA ka Gambegre, da e khublei ko ya u Chief Minister ka jylla wa wanrah ya kani ka Concert ha ka jylla deiwa e khublei leh ya ki Pastor kamjooh kiwa ngait niam Christan wa wan chimbynta ha ka khnang wow ye u wanrah yei yatylli wei maya niam.

Related posts

Yoh ka Meghalaya Rs.18.78 klur na ka sorkar pyrdi khnang wow pynneh yei suk

November 9, 2026

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Ki kattu katni ki khynroo wa wan cha ka Concert da yaroh ki ya u Chief Minister wa wanrah u ya ka tamasa cha Meghalaya, heiwa ini man i kam wow wanrah i maya, i suk kamjooh i maya niam hapyrdi yong ki.