Ki MLA ka Meghalaya deilang ki heh sorkar da lai ki wow chimbynta ha ka State Legislators’ Leadership Excellence Programme kawa da pynman ha United Kingdom da ka thong wow pynpliah pynkhlan yei man kam kiwa yahkhmat, i rukom pynkrehkaam ya ka sorkar wa i chakri paidbah.
Ya kani ka Programme da pynman nadooh ka 7 tarik wei daw pynkut ha ka 14 tarik uni u bnai ha London wa Cambridge, wei da pynman ka deiwa ya krehlang ka Meghalaya Legislative Research Fellowship Project (MLRF), Meghalaya wa ka Intellectual Forum at Jesus College, Cambridge deilang ka King’s India Institute, King’s College London (KCL), ka LSE Consulting wa ka The London School of Economics and Political Science (LSE).
Ya ki MLA da yahkhmat da u Speaker ka Meghalaya Legislative Assembly, u Thomas A Sangma wei daw yoh ki yei sikai wa harukom na ki bru wa chemphang (Academics & Policy Experts) deiwa batai leh na ki MP warim ka UK wa kiwi de.
Kiwa da lai chimbynta najrong u Speaker toh u Deputy Speaker, u Limison D Sangma; u Deputy Government Chief Whip, u Ronnie V Lyngdoh; ki Minister wa kynthup ya u Marcuise N Marak wa u Paul Lyngdoh; u Government Chief Whip u Dr. Celestine Lyngdoh; ki MLA wa kynthup ya u Abu Taher Mondal, u Rupert Momin, u Subir Marak, u Ollan Singh Suin, u Dr. Mohammed Mizanur Rahman Kazi, u Matthew Beyondstar Kurbah, u Mayralborn Syiem, u Gavin Miguel Mylliem, u Renikton Lyngdoh Tongkhar, u Gabriel Wahlang, u Kyrmen Shylla, u Banteidor Lyngdoh, u Balajied Kupar Synrem, u Charles Pyngrope wa u Alexander Laloo Hek.
Ki heh sorkar kiwa da emlang toh u Chief Secretary, u Dr. Shakil P. Ahammed, IAS, u Dr. Sampath Kumar, Additional Chief Secretary and Vice-Chair ka Meghalaya Legislative Research Fellowship Project (MLRF); u F.R.Kharkongor, IAS, u M.R.Synrem, IAS, u Cyril Diengdoh, Commissioner and Secretary, Parliamentary Affairs deilang kiwi de kiwa emkti hei pynman ya kani wa kynthup ya u Malthus S Sangma, Secretary; u Dr. Andrew Simons, Adviser (Legislation) wa kiwi de.
Kini waroh daw lai yah ki leh cha ka Houses of Parliament ha Westminster ha ka 11 tarik heiwa daw yahluti da ki House of Commons Doorkeepers, daw yachem ki leh wa ka Commonwealth Parliamentary Association (CPA), daw yoh ki leh wow sakhi yei kaam ki MP.
Daw em leh kawi ka yalang heiwa daw yaklam heiyatoh wa ki kaam pynroi ha Meghalaya kawa da e pyrtuid Everyman’s Economics: Democratising the Economy of Meghalaya, wow yahkhmat da ka Dr. Antara Halder wa ka Adaptive Leadership for Facilitating Economic Growth in Meghalaya State in India wa daw yahkhmat da u Professor Ronald Heifetz.
Daw emlang leh i yachem wa ki bru chemphang wa kynthup ya u Professor Jaideep Prabhu, u Dr. Julian Huppert, u Professor Louise Tillin, u Dr. David Halpern wa kiwi de.
Daw pynkut ya kini ki 8 sngi ha ka 14 tarik deiwa saam Certificate, i ya chondur wa ka Farewell ha Jesus College, Cambridge.
Discussion about this post