Paan maap uwa na chnong Tongseng yeiwa pynbaad ya u Bunlangki Sukhlain hadien i wan ka KSU cha Shree Cement

Ha kini ki sngi wa dadep da mih i pynbaad markylliang hapyrdi ki paidbah ka Daistong, Shnongrim wa Tongseng Nongkhlieh ka Elaka Nongkhlieh khamtam hadien wa wan hiar kiwa kitkaam ka KSU cha i thaw wa chna ya ka karkhana ka Shree Cement.

Hadien ini ki kattu katni ki waheh na kini ki le chnong da pynmih khubor ki ha ka 9 tarik uni u bnai wow pynche yeiwa jia heiwa da pynbaad wa emkti ki bru samen wow pynmih yei awri.

Uwi na kiwa chong chnong na Tongseng Nongkhlieh, u Don Pajuh da pynbaad u wa kiwa pynmih ya i awri toh wa yahkhmat u Bunlangki Sukhlain na Shnongrim.

Related posts

Du ka Congress wa ye u yada ya ki Christan wa ka jaitbru na ka BJP: Vincent

November 10, 2026

Hawa jied MP pynemkaam dei jabieñ ymtoh da ka ‘Dil Laka Dekho’: Dr. Kharlukhi

November 10, 2026

Hadien wa mih i pynbaad ya u Bunlangki, neiliang u Don Pajuh da paan maap u na u Bunlangki deiwa ong wa i klam u yeiwa kajia ha ka 7 tarik uni u bnai wa ka seiñ KSU, kiwa chong chnong ka Shnongrim, Daistong wa Moolasngi toh pyrchah ya warohlang wei da pynmih bakla u yei pyrtuid u Bunlangki Sukhlain donhi.

Kamtæ u Don Pajuh da pyndam u yeini i pynmih pyrtuid ya u Bunlangki deiwa paan maap na oo neibhah man i bakla kam u bru neibhah wa mut u ya warohlang tangwa mih i pyrtuid yong oo Bunlangki donhi samen wei ymtoh wow sñiawpher yeini waroh.