La jop ka NPP daw krehlang ko wa ka BJP, ka VPP won samen samen, ong u Rikut deiwa kyntu wow jied ya u Vincent

Hei janmiet ka 10 tarik, ka Congress da pynman ko ya ka yalang ha Ladthadlaboh, Jowai neibynta u kyrtong ka Party, u Vincent H Pala neibynta ka Election MP heiwa ya ka yalang da pynlai da u Waheh Chnong ka Ladthadlaboh, u A. Shullai.

U President ka West Jaiñtia Hills District Congress Committee, u Rikut Parieñ hawa e i klam da ong u wa kam u bru ka Party da kwah u wow pynche ya ki yurim wa yieñ ka seiñ wow yada ya ka jaitbru.

Da ong u wa heipor 70-80 snem nachwa da yaleh laitlooid na ka pharæng heiwa da yoh ya ka laitlooid ha u 1947 heiwa da yoh ya ka riti synchaar ka ri kawa em 8 tylli ki hok ki paidbah.

Da kdaw u wa kawi na ki hok toh i laitlooid wow mane Blai næ wow ngait ya kawon kawon ka niam heiwa waroh ki niam da man salonsar ki hapoh i synchaar ka sorkar Congress.

Chooh chooh da kdaw u wa ha ka juk Social Media katni da yoo lut yeiwa jia heiwa ka Congress yieñ ko wow yada ya ka hok ki paidbah ka ri deiwa man salonsar waroh heiwa ha ki sngi wa dadep ki heh ka Party nadooh u Rahul Gandhi, ka Priyanka wa u President ka Party, u M. Karge dang yieñ yaleh ki wow yada yei hok yong waroh tangwa tieñsar wa ha ki snem wa dadep hapoh i yahkhmat ka BJP ka sorkar NDA da pyrchang ko wow wanrah ya ki aiñ wa har rukom kiwa ktah yei yap i im yong waroh wei ini toh i por wow pyrkhat yillu kiwon ki bru wow mihkhmat ha Parliament.

Related posts

Mynsoo kattu katni ngut hadien wa noh ka rel wa lai na Mizoram cha Kolkata charood  

November 11, 2026

Waroh iwa kular ka VPP ym em mankaam nadooh i e Trading License | Chah ktah kylla ki Khasi Jaiñtia: Vincent

November 10, 2026

Kamtæ da kyntu u ya waroh wow bichaar yillu chwa wow thap ya uwon u bru næ ka Party wow phah cha nongbah New Delhi neibhah du ka Congress donhi wa yieñ pyrchah ya ka sorkar BJP kawa thmu wow wanrah ya ki aiñ wa ktah ya ki jaitbru ka thaaiñ mihsngi.

Da pynche u wa lada jied ya u kyrtong ka NPP da man i thij kamwa jied ya ka BJP neibhah wa ka NPP man ko ka paralok wa ka BJP kamtæ lada wan ki ha Delhi daw krehlang ki chirup deiwa pynkynmoo ya ka CAB heiwa ha jylla da pyrchah ya ka tangwa ka MP ka NPP da kyrchaan ko ya kani ka aiñ ha Parliament.

Heiyatoh wa ka VPP won ong u wa lada jop ki ym lai ki cha kawon kawon ka liang wei u yieñ ki hapyrdi deiwa kynmoo wa heipor wa man MP u (L) Dr. Ricky Syngkon heiwa heipor wa mut u wow klam ha Delhi yoh u du chi minit ar minit neibhah wa em u samen ha Parliament.

Da ong u wa ha ki snem wa dadep da yoo wa da hiar ka Party Congress tangwa katni da man ko kam ki sla wa da khai lung biang deiwa kyrpaad ya ki khynroo khyllood kiwa man ka mynried ka jaitbru wow jied ya u Vincent Pala kam u MP yong ki sa chisien neibhah wa da man u u bru wa da chemphang ha Parliament.