Kyntu u Vincent ya ki paidbah wow khyrngiat thiah noh  

Ha ka yalang yalap Election ka Congress neibynta ka By-Election MP Lok Sabha kawa da pynman ha ka 13 tarik ha Iawmusiang, Jowai deiwa emlang u MP warim ka Rajya Sabha, u Dr. Wanweiroi Kharlukhi, ki MDC ka JHADC, u Madonbai Rymbai wa u Rikut Parieñ neitæ u Emlang Laloo kyrtong Congress na Nartiang Constituency wa kiwi deilang i sakhi ki paidbah, neiliang u kyrtong MP, u Vincent H Pala hawa e yei klam ong u wa da toh i por u kylla thiah kylla dem neibhah wa ka BJP da lehbeiñ ko ya ki paidbah deiwa wanrah ya ki aiñ waphær waphær kiwa ktah ya ki paidbah khamtam ki khian paaid deiwa pynkylla ya ka aiñ FCRA, ka Freedom of Religion næ Anti Conversion bill, ka Uniform Civil Code wa kiwi.

Heiyatoh wa i yoh i kot ong u da hiar bha i wei i daw toh wa joor i chimram da ki bru wa em hei bor neibhah katni kat iwa leh ki da chim bait ki dei ram khlem pyrkhat de ya ka mynried.

Ong u kamwa jia ha ka sorkar jylla ha ka sorkar India leh i jooh, 26% na i pynlut ka sorkar India waroh kawi toh du yow su ram.

Wei ha i lai u kylleiñ kylleiñ ki thaw chem u wa ki bru kat nang slem nang dooh ki, i daw toh wa da joor ware i chim ram, iwa ar won ong u wa ka poisa wa chim ki lai ko du cha ki kattu katni donhi.

Da pynroh u leh ya ka Congress deiwa ong wa heipor wa synchaar da ka, da chna ko ya ki Policy neibynta kiwa dooh kiwa mahajon, ki khian paaid wa kiwi.

Chooh chooh ong u kamwa i puræ puthi toh iwa emkaam tam tangwa ka BJP won kamwa man kattæ ym em chimkhia ko neibynta u myntoilang salonsar.

Related posts

Rs. 500 ka kuna ya ki wym wan chei pynykhooid ya ka Iawpynsiñ

November 13, 2026

Hei sien nyngkong pynman Youth Parliament ka Kiang Nangbah Government College Jowai

November 13, 2026

Pynbaad haroh u wa neidaw wa leh thok ka BJP boon ki thaw wa toh u jop ka Congress leh da chah rem noh ko. Na itæ i daw hadien wa ka Congress chem ko ya ki kaam buit tooh ka BJP da ya mih ki wow pyrchah ya ka ha kylleiñ, wei ong u leh wa ha u 2029 ym ye de ko u thok.

Da khut kyntu u ya ki paidbah wow chimkhia ya kani ka Election wei lada na Meghalaya u sdang kyrchaan ko ya ka Congress deiwa pynjop leh ya oo kam u kyrtong MP, ong u ka Congress daw nang yoh mynsien chooh chooh ko manda poi u 2028 wa u 2029.

“Hawa hiar ka Congress ki paidbah leh chah ksih beiñ ki heiwa najrong wa hiar i yoh i kot ha ka ri wa ka jylla, kiwa chim kabu u pynjæd pynsih ki leh yei puræ puthi, ka riti dustur wa kiwi. Wei manda wan ka Congress hei bor daw pynbha pynmiat biang ko,” da ong u Vincent H Pala.