Chah daiñ kuna ka Facebook Rs. 8,300 klur wa paitsiar ya ki dur wa ki Video

Ka yung bichaar ka ri Italy da daiñ kuna ko $ 887 Million, iwa man Rs. 8300 klur ya ka Meta kawa pynlai ya ka Facebook neidaw wa paitsiar ko ya ki dur wa ki Video Library kiwa pynemkaam Mobile Android lyngba ka Facebook.

Ya kani ka hukum da pynmih ha ka 14 tarik uni u bnai hadien wa 20 million ngut ki bru ha Italy da chah paitsiar ki Gallery yong ki khlem yohbor.

Chooh chooh da ong ko wa ka Meta ym em khana ko ya ki bru yeiwa leh ko iwa man pyrchah ya ka aiñ.

Da phah leh ya ka Meta wow pyndam (Switch Off) ya kani ka rukom leh (Feature) hapoh 60 sngi wei wow booh Setting wow paan bor chwa na kiwa pynemkaam chwa wow pait ya ki dur.

Kiwa chah ye ki wow “On” ya ka Feature wei ka Facebook ye ko wow khana che ya ki kyndon hawa “On” wei wow e laad leh wow “Off/Disable” ya ki hapoh 60 sngi.

Related posts

Chem yei metyap u sahep sorkar wa man kam u DC na ka wah Teesta

November 15, 2026

Chah kem u tre ka Minibus hadien wa yap ki 26 ngut | Pynbna u Himanta Rs. 9 lak cha kiwa yap

November 15, 2026

Kani ka Feature toh kawa da em nadooh u 2023 ha ka Facebook heiwa da jooh tyrwa ko ya ki bru ya ki dur wa ki Video yow Post ki kiwa em hapoh ka Gallery ka Phone ki iwa pynyoo wa pait ko ya ki dur ki Video wa em ha ki Phone ki bru.

Katkam wa man katni ym em u ong ka Facebook næ Meta iwon iwon hajrong ini.