Ha ka 18 tarik uni u bnai hadien wa em wa pyntip wa chem ya chiboon bha ki kuli suloi wa murieh da ki bru wym tipmit ha i khloo wa em ha chnong Rapdikgre iwa dang haap hapoh ka Williamnagar Police Station, East Garo Hills District.
Kamtæ neiliang ki pulit da lai ki cha kani ka thaw heiwa da chem ya 380 tylli ki kuli ki wym pu em siat wa pynemkaam ha ki jait suloi wa suba toh ki Medium Machine Gun (MMG) heiwa da kem noh ya kini.
Ya kini ki kuli da murieh hapoh kawi ka Jerry Can phñiang baam wa 5 litre da ki bru wym tipmit.
Heiyatoh wa ini, da booh ya ka FIR ha Williamnagar PS Case No. 40/2026, U/S. 25(1A)(1B) Arms Act, wei ka takit dang lai ko chakhmat yow tip kiyi wei iyi i daw wa murieh ya kini ki kuli.
Da kyntu ya ki paidbah yow man kiwa paitbniah wei wow pyntip cha ki pulit lada tip ki iyi iyi heiyatoh wa ini i kaam.






Discussion about this post