Ka Meghalaya Police da pynkhreh ko wow Advertise ya ki 2,000 tylli ki kreh wa lait wei ya ini da wanrah ha ka yalang ka Cabinet ka sorkar jylla wow pynsmat ya ini i kaam.
U Chief Minister ka jylla, u Conrad K Sangma da ong u wa ha ka Cabinet da rai wow pynthymme ya ki kyndon neibynta i thung kreh pulit wei da pynthymme leh ya ka Central Recruitment Board deiwa kynthup chiboon ki sahep ha ka.
Ka Board u kynthup ko ya ki dkhot na ka Western Range wa Eastern Range, chirup wa ki Technical Member.
I pynkylla ya ki kyndon kynthup i ya ka Registration Fee, ka Physical Examination wa ki thaw pynman Exam.
Chooh chooh da ong u wa da yaklam yillu heiyatoh wa iwa tyrwa ka Home (Police) Department.
Heiyatoh wa i jhan u leh yeini, u Conrad da ong u wa hanlada thung 3,000 ngut ha u snem wa dadep, dang em sa 1,800 tylli ki kreh wa dang lait heiwa da yooluti leh wow kynjoh i cha ka 2,000 tylli.





Discussion about this post