U Chairman ka Hynniewtrep Border Dispute Redressal Forum (HBDRF) u Chandame Sungoh ynne ka sngi da e dorkhat u cha waroh ki 36 ngut ki MLA ka Ri-loom Khasi wa Jaiñtia wow pynpsiah ya waroh ki chnong Khasi-Pnar kiwa hap ha Block-I cha Meghalaya.
U Chandame da ong u wa ha kini ki phaw snem, hanla ka sorkar da pyrchang ko tangwa ki paidbah kiwa maad ya i eh da chitom bha ki.
Da ong u wa katkam ka yutip, ha kawon kawon ka Scheduled State kam ka Meghalaya, ka District Council toh u tipmit chwa ko ya ki Chnong wei hadien itæ ka sorkar won wow tipmit ya ki wei neiliang ka Jaiñtia Hills District Council dadep tipmit wei da thung ko leh ya u Acting Dolloi wa ki Waheh Chnong kiwa hap ha ka Block-I tangwa sñiawsih wa ka sorkar jylla ympu tipmit ko ya ki.
Da ong u wa neibynta ki kaam pynroi, ymboi yaklam neibhah wa rap kongsan toh wym yoh ya ki kot kam ka EPIC, Aadhaar, wa kiwi wa emkaam.
Chooh chooh da ong u wa da emkaam wow tipmit noh ya kini ki Chnong khnang wa kiwa chong Chnong u yoh myntoi ki katkam ka hok yong ki.





Discussion about this post