• About Us
  • Contact Us
  • Privacy Policy
  • Advertise With Us
  • Terms & Conditions
Saturday, November 21, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Pynmih ka sorkar yei pynbna yow beh kreh ya kiwa sikai kiwa pep lai skur

Wyrta Staff by Wyrta Staff
November 21, 2026
Reading Time: 5 mins read
A A
0
Share on FacebookShare on Twitter

Ka sorkar jylla lyngba ka chithi wa da phah na u District School Education Officer (DSEO), da pynmih yei pynbna cha ki Managing Committee yong ki skur kiwa yoh yarap na ka sorkar yow leh deiwa eh pyrchah ya kiwa sikai wa pep skur khlem yohbor wot hadooh wow beh kaam chisiendon.

Deiwa pynmih yeini i pynbna, da phah ya ki Managing Committee wa lada em kiwa sikai skur ki wym em wan kreh khlem da yoh bor, neiliang ki Principal hap ki wow paan pynche chwa deiwa e da ka Show Cause Notice wei wow e por 7 tayaaw yow jubab deiwa e dei thoh.

Hawa yoh yei jubab, ki Principal hap ki wow bichaar lada biang ki daw heiwa lada kjut toh u em ka Certificate na ki Doctor.

Lada yoh yei jubab hapoh i por wa booh wei lada hun yeiwa da jubab ye wow pynkut noh ya ka takit tangwa lada ym hun yei jubab ye wow Suspend deiwa phah da ka chithi.

Hap leh wow pynkhreh ya ka Charge-Sheet wei wow e por 10 sngi wow jubab uwa sikai yeiwa da chah pynbaaad u.

Ye leh wow thung ya u Enquiry Officer wa u Presenting Officer wei lada kyntait uwa sikai yeiwa cha pynbaad, u Principal u thung u ya uwi uwa sikai yong ka skur uwa da heh rta kam u Enquiry Officer wei sa uwi won uwa sikai kam u Presenting Officer u wow pynyoo wei pynsakhiat ya ka mukotduma hei pyrtuid ka skur.

Lada uwa sikai ym wan u cha ka takit, ka takit ye ko wow lai chakhmat, wei u Enquiry Officer u phah u ya ka Report kawa da thoh cha u Principal.

Hadien wa u Principal da bichaar u ya ka Report, daw pynmih u ya ka hukum kawa che lada toh u beh kreh lane u maap ya uwa sikai deiwa e dei maham (Warning) deiwa pyndam leh ya ka hukum Suspension.

Lada ym ye wow pynsakhiat yeiwa chah pynbaad, toh u pynkut noh ya ka takit wei wow phah lai kreh biang ya uwa sikai.

Ya ka hukum toh u phah leh cha uwa sikai, u phah leh ka Copy cha u Chairman ka School Managing Committee (SMC) wa cha u District School Education Officer.

Lada i rai toh yow beh kreh noh, toh u pyntip cha uwa sikai yei hok yong oo wow Appeal deiwa thoh leh cha u Chairman ka School Managing Committee hapoh 15 sngi nadooh ka tarik wa da yoh pdiang ya ka hukum.

Related posts

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

November 21, 2026

Da paan yarap yow chem ya uwa wiar na Mawryngkneng

November 21, 2026

U Chairman u bichaar u ya waroh ki kot ki sla yong ka mukotduma, wei u e laad u ya uwa sikai wow wan yaklam wei pynchei ya idæ wei daw pynmih u ya ka hukum wa em ki daw kiwa che hajrong katai ka Appeal.

Lada u Chairman ka SMC kyntait u ya ka Appeal, ka hukum yow beh kreh ya uwa sikai u neh ko wei u pynkut noh yei chakri uwa sikai.

Lada u Chairman pdiang u ya ka Appeal, ye u wow pynsangeh noh ya ka hukum beh kreh ya uwa sikai lane wow pynkylla yei rukom pynchitom da kawa rap jem kam ka maham (Warning), wei yow phah biang ya uwa sikai yow kreh u.

Hap leh wow phah ya ka Copy yong ka hukum kawa khaddooh cha u District School Education Officer.

ShareTweetSendShare
Previous Post

Da paan yarap yow chem ya uwa wiar na Mawryngkneng

Next Post

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

Related Posts

News

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

November 21, 2026
News

Da paan yarap yow chem ya uwa wiar na Mawryngkneng

November 21, 2026
News

Hadooh u snem thymme ye u wai ya ka Iawmusiang Complex | Ym ngait u MB Rymbai wa em du 5 tylli ki Cement plant

November 21, 2026
News

Da che wa em i baam-tooh wa joor ka Executive Committee ka JHADC: Andrew

November 20, 2026
Next Post

Mih pyrtuid ki ar ngut ha ka Electoral Roll ka Bihar wa Meghalaya | Dawa takit ka NGCO

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar