Jowai : Ha ka lympung yalehke football wa tip kam ka Tiger Five wa pynman da ka Jalapang Sport Club ha Wahiajer da pynyaleh ya ka Semi Final ynne ka sngi.
Ya kani ka yakhun ynne da yaleh hapyrdi ka 7 Wasa pyrchah ya ka Chaphrang FC.
ADVERTISEMENT
Ha kani ka yakhun ka 7Wasa da jop ko da 4-1. Ya ki kool ka 7Wasa da thap da u Felix Bang ha ki minit wa 12 wa 46, u Dame Syih ha ka minit wa 56 wa na u Tide Langbang ha ka minit wa 60; katwa ya ki kool ka Chaphrang FC da thap da u Riburom Jat ha ka minit wa 33.
Ka Semifinal wa ar hapyrdi ka Larnai FC wa ka Avenger FC u pynyaleh ha ka 8 tarik heipor 2:00 waje i sngi.
Discussion about this post