Pynbna yakhih biang ka KNGCSU hajrong ki mat dawa wa dang sahteiñ

Jowai : Ka Kiang Nangbah Government College Student’s Union da rai ki u sdang biang yei yakhih yong ki kawa khlem booh por næ ka (Indefinite agitation) ka wa daw sdang nadooh 11 tarik uni u bnai . I daw wa da jied u sdang biang ya ka yahih yong kini ki khynnah puræ toh wa ym ye ka sorkar u pynmankaam yeiwa da kular ko. Katwa man kattæ dang boon ki mat wa dawa ka seiñ kiwa dang sahteiñ kam i dawa wow:

1. Su tulop noh ya ki nongkreh (staff) kiwa da im khlem tulop la khatwi bnai kawa da kthah joor ya ki.
2. I pynku pateiñ mala ya ka kolej (extension of College building).
3. U wai noh ya ka Girl’s Hostel.
4. U chna pynmiat ya u surok wa lai cha ka kolej wa kiwi kiwi.
5. Natlor kitai ki mat wa da dep kdaw dang em leh sa kiwi won ki duna ka kolej kam i wym biang nongsikai khamtam ha ka ‘Morning Section’ kawa booh i eh wa joor bha ya ki khynnah puræ kani ka kolej.

Ka Kiang Nangbah Government College man ko du ka donhi ka kolej sorkar ha Ri-Loom Jaiñtia tangwa sniawsih wa ka sorkar ym bien ko u leh ya iwa emkaam yow pynbha pynmiat ya ka. Da man ko leh ka sarom ya ki MLA yong i khamtam ya u Education Minister uwa na kani ka Constituency wa em ka kolej.

Kamtæ ka KNGSU ym yohsa ko khlem da yakhih biang yow dawa ya ka hok yong ki khynnah puræ khlem da sangeh katwa ym pu yoh ya ki dawa ka seiñ.

Ka seiñ da khut lang ko ya ki paidbah wa ya ki seiñ bhalang yow kyrchan ya ki khnynah puræ ka Kiang Nangbah College ha kitai ki sngi wa daw sdang i yakhih.

Related posts

Tam ka kurim u Conrad hadien 2 Round i niaw Vote

November 23, 2024

Da chna ya ka Committee wow pynsuk u yohbor yow tih moo tih chyiap

November 22, 2024

Ha kawi tawan ka liang ka KNGCSU e khublei ko ya u Paul Lyngdoh wa ka kynhun u hajrong wa yarap ki u wanrah ya ki eh ka kolej deiwa ha ka dorbar thaw aiñ ka jylla (Assembly). Ya kani ka khubor da pynlait da u general secretary ka union u Balarian Lamin.