Jowai: Ha u Thohlakhmi (February) uni u snem le tylli ki Petrol Pump wa em ha East wa West Jaiñtia Hills da chah lute ki ha ki bru wa tymmoh khmat wa kiwa rah suloi wa ki pistol.
Ha ka 6 tarik u Thohlakhmi heipor 6 waje i janmiet da wan le ngut ki damok wa tymmoh khmat da ka thuk thuk wa khlem em number wei da lute ki T. 9,08,534 na ka NES Dkhiah Petrol Pump wa em ha Dkhiah, EJH.
Ha ka 10 tarik u jooh u bnai da chah lute won sa ka Petrol Pump wa em ha sarok Shangpung heiwa kini ki jooh ki damok da lute ki T. 2.5 Lak.
Ha ka 18 tarik u jooh u bnai da cha lute won sa kawi kawi ka Petrol Pump wa em ha Byndihati yong ka company NRL heiwa ki damok da rah ki da ka suloi AK-47 wa ar tylli ki pistol heiwa da lute ki T. 3,70,000.
Hei yatoh wa ini ki pulit ka West Jaiñtia Hills da pynman ki ya ka takit hapoh i yahkhmat u Ploster Syiem, MPS, DSP wei ka takit da poi ko cha Assam hadooh ka jylla Kerala heiwa da yoh kem ya ar ngut na Cochin wei da wanrah ya ki cha Jowai ynne ka sngi.
Kiwa chah kem da tip kam Bipul Daimary (23snem), S/o Barun Daimary, Hastinapur no.1, Dongargaon, Nanke, PS Tamulpur, Sub Division Tamulpur, Dt Baksa, Assam wa u Roghu Ramchiary (24 snem), S/o. Nabin Ramchiary, Goybari 3 No, Dongargaon, Nanke, PS and SD – Tamulpur, Baksa Dt, Assam.
Also Read: Lute biang ki damok tymmoh khmat sa ha kawi ka petrol pump
Discussion about this post