Ki kaam tyngkheiñ aiñ ha kylleiñ ka jylla

Shillong: Ynnin ka sngi heipor kamwa 4:30 ki pulit da li hiar ki cha Mawtawar, Thapbalieh, VIP Road (EKH) wei na i khloo wa em harood sarok da chem ki ya 39 tylli ki Petrol Bomb.

Ki pulit da lai ki cha ini i thaw hadien wa em wa pyntip ya ki wei ym pu tip yi wa ieh ya kini ki Petrol Bomb ha ini i thaw.

Ha ka 25 tarik heipor 10 waje i step ki pulit da kem ki ya u Hankamnipaia Suchiang (23 snem) wa u Ceremiky Ymbon (20 Snem) na Umling GS Road, Ri-bhoi heipor wa dang kit mooyong ki pyrchah ya ka hukum ka NGT da ka truck wa em ya u number ML-04C-2643.

Ha ka 25 tarik biang heipor 5 waje i janmiet u Magistrate wa ki pulit da li hiar ki cha ka thaiñ Umpleng, East Jaiñtia Hills wei da chem ki ya ki 3 ngut ki bru u Sadam Hussain, u Anwar Hussain wa u Jabir Hussain wa dang tih mooyong ki pyrchah ya ka hukum ka NGT kamtæ da kem ya kini ki 3 ngut.

Related posts

Dang pteiñ hi i chah tooh thuk-thuk

July 3, 2025

Mynsoo ki le ngut hei chah dung wei chah pam da ka wait ha ki le tylli ki chnong ka West Jaiñtia Hills

July 2, 2025

U Amandeep Sharma da ujor FIR wa ha ka 25 tarik heipor 11 waje i step da yoh phone u na ki bru wym tipmit u wa kam wa ki toh kiwa kreh ki bank wei da kylli bniah ki chaphang ka Debit Card wei oo leh da khana lut neidaw wa da ong kiwa phone wa da chah Block ka Card. Hadien ini da yoh SMS u wa da em wa sai T. 54,996 na ka Bank Account u.

U Chesterfield Donald Saio da ujor u ha ki pulit wa yoh SMS u wa em kiwa pynemkaam ya ka Credit Card yong oo wei hadien wa yachem u wa Company yong ka Credit Card u da chem wa da em wa pynemkaam T. 21,965 na ka Credit Card yong oo.