Kut noh ka NSS Special Camp wa chi tayaw yong ka Thomas Jones Synod College

Jowai : Ka National Service Scheme (NSS) yong ka Thomas Jones Synod College, Jowai da pynkut ko ya ka Special Camp yong ka, kawa chi tayaw nadooh ka 23 hadooh ka 28 tarik, Khonchonglad 2015 ha ka chnong Ammutong, Amlarem Sub-Dvision, West Jaintia Hills District.

Kamwa 40 ngut ki NSS volunteers da chim bynta chongchit ki ha kani ka Camp hapoh ka yalam u Ma Wandy E.H.Lamin wa ka kong Penial War, Programme Officer NSS yong ka kolej.

Ha kani ka camp ka NSS Unit da ye ko u pynman chiboon ki prokram kiwa kynthup ya ka Socio-Economic Survey namo ka thooh bniah hei yatoh ka yoh ka kot, i kyrdan puræ puthi wa i chait i khiah yong kawi pa kawi ka yung ha chnong Ammutong, da pyndep leh ya ka ‘Free Medical and Health Camp’, ka pynkhooid chnong wa ki prokram esikai wa boon jait.

Da sdang ya kani ka ‘Special Camp’ heiwa ki NSS volunteer yong kani ka kolej da chimbynta ki ha i psiah ha ki yung ki sem yow kylli chaphang ka yoh ka kot, i nang i stad yong ki nongchong chnong. Ha ka sngi ka wa bood ka 25 tarik da pynman ya ka free Medical and Health camp hei yakreh lang wa ka ophis u District Medical and Health Officer, Jowai heiwa da yoh sumar wei e dawai mynkna da u Dr. A Khonglah wa ki wa kreh yong ka Padu Dispensary. Hadooh 165 ngut ki nongchong chnong wa kiwi de ki chnong wa em marjan da yoh myntoi ki na kani ka Medical camp.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha ka 26 tarik ka wa man leh kam ka Constitution Day, da leh ya ka ‘Constitution Pledge’ i smai ha i pyrtuit ka Constitution ka ri India da ki NSS volunteer. Da pynsnaiwthooh ya ki nongchongchnong hei yatoh wa ka Constitution wa ki Fundamental Rights ne ki hok ki tre ri da e da ki Programme Officer ka NSS.

Da pynbood wan da ka Cleaning Drive næ ka pynkhooid chnong deilang i chimbynta ki khynnah wa ki khynroo khyllood kani ka chnong.

Da pynman leh ya ka yakop dro hajrong ka phang “Ka Rymaw wei wa kammon u pynneh pynsah ya ka” hei wa da bhah ya ki wa wan chimbynta ha ki kyrdan Junior wa Sub-Junior.

Ha kani ka camp da pynman leh ya ka yalehke kynjetbol hapyrdi ki khynroo ka chnong Ammutong pyrchah ya ki NSS volunteer. Nei liang ka Red Ribbon Club (RRC) yong ka kolej da pynman leh ya ka awareness prokram chaphang ka HIV AIDS.

Ha i wa kut yong kani ka camp da pynman ya ka yachem lang kawa kynthup ya ka tem ka put ki dhab tem ka chnong kiwa da pynchongchit ya ka miet khadooh da ki bela, ki mandolin wa kiwi ki tiar tem sur.

Da saam leh ya ki prize wa ki certificate cha ki wa yachimbynta da u waheh chnong u ma Majesty Sten kamjooh leh da e khublei kyrpang ya ka NSS Unit yong ka kolej wa ki kyntien kyrkhu kyrdoh.