Shillong: Katkam ka yutip wa yoh na ki pulit da ong wa da yoh ujor ki na ka L. Chyrmang heiwa da ong ko wa ha ka 25 tarik i miet heipor 10:45, u kurim yong ka wa tip kam u Living Pakem da lai u cha yung ko, da dat da bom u ka wei da knieh u ya i sah-chkoor ko, wei hadien ini da thang u yei yung yong ka.
Ha ka 28 tarik won ka Silba Risot da ujor pyrchah ko ya u kurim wa rim yong ka chirup wa ka kurim u ka Riboti Ch Sangma. Da ong wa kini ki ar ngut da wan ki cha yung ko iwa em ha Ahimpara (EGH), heiwa da dat da bom ki ka, da knieh ki leh yei sah-chkoor wa chongdor T. 2,000, u kpieñ rupa wa T. 5,000 wa kiwi ki tiar yung.
Da maham ki leh wa ymhoi u pyntip ko yeini cha ki Mahari namo ki waheh ka chnong.
Ha ka 25 tarik u Moonlight P Mara, uwa man leh u Range Forest Officer, Mahendraganj Range, GHADC da ujor u wa heipor 4:00 waje i step kiwa kreh Forest Field Staff da chem ki ya kawi ka Mahindra Pick-up (ML-08-2208) wa kit dieñ tooh najan Katuli Bazar (SWGH) wei da phah sangeh ki ya ka yow sylli ya ka.
Tangwa uni uwa yah da pynhær smat u ya kani ka kari wei da lait kiwa kreh ka GHADC nei mynsoo, hadien da chem wa kani ka kari toh ka yong u Anna Islam, Jhonjhoni, Assam.
Discussion about this post