Shillong: Ka Hill State People’s Democratic Party (HSPDP) ha ka General Council Meeting da chong pyrkhat ko ya ki phang wow yieñ yaleh Election MLA ko ha u 2018.
Hawa yaklam ki wa kiwa pathai khubor ynne ha Dinam Hall hadien wa kut ka yalang, u Ardent Miller Basaiawmoit da ong u wa da booh thong wa ha khlieh dooh tooh wow pynbait ya ki kaam yaknieh pood.
“U pynkhlan leh yei man tre khyndaw deiwa pynkylla ya ka aiñ Meghalaya Transfer of Land (Regulation) Act, wei wow wanrah hapoh yong ka ya waroh kiwa yatoh wa ki kaam thaw ki kaam khyndaw,” da ong u Ardent.
Da ong u leh waka HSPDP dang pteiñ ko yei dawa pynkrehkaam ya ka Inner Line Permit (ILP) hapoh ka jylla wei pyrchah ko leh wow wan ka rel kit bru chapoh ka jylla khlem biang ki aiñ wow pait ya ini.
Hei yatoh wow tipmit ya ka ktien Khasi, ka seiñ daw pteiñ wow yaleh yow psiah ko hapoh ka Eighth Schedule.
U pyrchah ko leh yei tih Uranium wei u kreh ko yow wanrah ki Policy hei yatoh wa ki khynroo.
Ka Party u kreh ko leh wow kyntu ya ki kaam rep, kaam ri mrad yow yoh khih yoh khan ki bru wei daw pynman ko leh ya i thung kreh ha ka MPSC wa ka DSC deiwa khooid.
Da ong leh wa daw kreh leh neibynta wow pynku ya ki kaam uiñke suwari, u sdang ya ki yaaw khappood wei wow wanrah yei khooid i jngiar hapoh ka jylla waroh kawi, daw pteiñ leh yei dawa wow yoh ka jylla Khasi-Jaiñtia.
U Ardent da beiñ u leh yei ood dooh poisa ka sorkar jylla deiwa ong wa em ki bru wa da lute ki ka ka jylla da ki Lak chi sngi katwa kiwi won ymye ki tang u im leh.
Da ong u wa hei yatoh wa ini ka HSPDP lada wan ko hei bor ym pyn sepai ko ya ka poisa wei ym thung ko leh ya ki bru yong ka hapoh ki thaw krehkaam ka sorkar (Political Appointees).
Discussion about this post