15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ka Reservation Quota ym ye ko u pynpoi ya phi cha jngai ong ka Deborah Marak ha ka sngi lehkmen dap 75 snem ka NAC

0 Comments
Advertisement ad1
Advertisement ad1
Advertisement ad1

Jowai: Ka Northeast Adventist College (NAC) wa sdang da u Pr. O.W. Lange ha u snem 1941 ha Khiehtyrchi, ynne ka sngi da leh kmen ko yei dep 75 snem namo ka Platinum Jubilee yong ka heiwa da wan sakhi da ka Montri ka tnat puræ puthi ka Deborah C Marak.

Heipor wa sdang nyngkong ya ka da e pyrtuid ya ka kam ka Assam Training School heiwa da wan wai ya ka da u Sir Robert Reid u Lat ka Assam tangwa hadien wa mih ka jylla Assam da kylla pyrtuid noh ya kani ka thaw puræ cha ka Adventist Training School ha u snem 1972.

Kani ka skur da sdang ya ka kam ka Secondary School wei ha u snem 1997 won da pynku kyrdan ya ka cha ka Higher Secondary School. Ha u snem 1999 won da tipmit ya ka da ka North Eastern Hill University (NEHU) heiwa da wai ya ka College kani ka thaw puræ.

Ka Northeast Adventist College toh kawa wan kiwa puræ na waroh ki jylla ka thaiñ mihsngi wei ynne ka sngi da pynyoo rong yeini nadooh wa pdiang ya ka montri heipor wa wan ko wei ha ka yalang da yoh ya ki rwai wa ki chaad tynre ki Naga, Mizo, Karbi Anglong, Garo, Meitei, Khasi, Tripura wa kiwi kiwi.

Ka Montri hei klam yong ka da yaroh ko ya ki 75 snem wa da lai luti kani ka skur khamtam wa ye ko u wanrah lang ya kiwa boon ki jaitbru ha iwi i thaw yow ya sñiawthooh ya ki dustur riti waphær waphær yow tip u burom iwi ya iwi.

Da pynchlur ko ya kiwa dang puræ wow kreh chitom ki wow ye ki u yakop wa kiwi ha ka ri yow lait i u chah yoobeiñ ha kiwi neibhah i lai puræ da ka Reservation Quota i wymtoh iwa miat neibhah ka ym e thaw puræ ko ha kiwa bha dooh ki thaw puræ ka ri tangwa heijooh i por leh ong ko wa ym toh u kyntait ya ka Reservation Quota.

Da pynchlur ko leh wow mih napoh ka ri wow lai kreh cha kiwi ki ri kiwa ye u su tulop da iwa heh yow ye ki u phah poisa cha yung.

Chooh chooh da ong ko wa i kreh sorkar katni toh iwa da dap da chlai iwa eh u yoh.

Kamtæ emkaam u booh ka thong wow kreh chitom neibhah ka Reservation Quota ym ye ko u yarap ya i ha waroh i jait yow poi cha jngai.

Ha kani ka sngi ki khynnah puræ da riam ki ha jar jiar ki riam tynre yong ki wei da pynyoo rong leh ya i  baam, ki tiar pynriam yung wa kiwi kiwi wa pynemkaaam da ki jaitbru waphær waphær ka thaiñ mihsngi.

Advertisement ad1
Advertisement ad1

0 Comments

Leave a Reply