Tura: Kam chibynta yong ka Nationwide Outreach Campaign Connect To Serve wa pynman da ka Legal Services Authority kawa sdang nadooh ynne ka sngi hadooh ka 18 tarik uni u bnai, da pynman ya ka Bike and Motor Rally na yungkrehkaam u Deputy Commissioner, Tura da lai lyngba ka Damalgre, Okkapara, Hajongpara, Rangsakona, Garobhada,Mukdangra, Damalgre wei da uiñ biang cha Tura.
Ha kani ka sngi da emlang u District Session Judge cum Chairman DSLA, A.M. Ripnar, u Chief Judicial Magistrate cum Secretary, u I Rymbui, Judicial Magistrates First Class, DMKS Shadap, IR Sangma, TTM Sangma, BM Sangma, kiwa kreh ka District Session Judge, Tura, ka District Legal Services Authority, Tura, Bikers (Royal Enfield) Association, D. Baruah, Principal, ka Tura Law College ki Legal Aid Counsel, ki Para Legal Volunteers, Tura wa kiwi kiwi.
Ka thong yong kani ka program toh wow pynsñiawthooh ya ki paidbah ka thaiñ nongkyndong wa ye ki u yoh yarap ha ki mukotduma mynkna lyngba ka District Legal Services Authority (DLSA) hapoh West wa South West Garo Hills.
Katkam ka Legal Services Authorities Act, 1987 da chna ya kani ka aiñ toh wow e yei hok yong ki bru kiwa dooh wa duk katkam ka Article 39 (A) ka riti synchaar ka ri India. Ka Legal Services Authorities Act, 1987 da sdang ko u krehkaam nadooh ka 9 Khonchonglad 1995 katwa kamtæ da tip noh ya kani ka 9 tarik kam ka Legal Services Day.
Heijooh i por ka DLSA, Tura daw pynman ko ya kiwa boon ki program kam ka pynsñiawthooh paidbah ha ki sarok, ki yaaw wa kiwi kiwi ki thaw.
Discussion about this post