Ujor ka KSU-MC pyrchah yei yoh EPIC wa Aadhaar u baar jylla ha Pommura

Shillong: Ka KSU Mawryngkneng Circle hapoh i yahkhmat u President yong ka u Reallystar Nongspung, General Secretary u Shiningstar Kharbihkhiew hei emlang u Incharge ka Eastern Central Unit u Vincent Makri da lai yachem ki ya u Deputy Commissioner, East Khasi Hills District wa ya u Block Development Officer ka Mawryngkneng C&RD Block hadien wa chem ki wa ki bru na baar jylla da psiah pyrtuid ki ha ka Photo Electoral Roll wei da em ki leh ya ka Aadhaar Card.

Ya ini ka seiñ da chem ko ya uwi u bru wa tip kam u Pappu Das 31 snem rta {(RZN0129312),(SI.no 305) & (Part no-46) (House no-68)} uwa man u khon ka Heminder Das uwa da yoh EPIC wa Aadhaar ha chnong Pommura hanlada ka dorbar chnong ym tipmit ko ya uni u bru.

Hadien wa dadep thooh bniah ka seiñ, da chem wa lyngba i e (Certificate) kulmar u Sordar yong katai ka chnong ya u Pappu Das wa toh u Das uwa da kha wei man u kam u tre chnong wa pura ka tai ka chnong.

Ka seiñ da ong ko wa ini i leh yong u Sordar ka chnong man ko ka wa ym em yurim wei kawa booh hei ma ya ka chnong ka thaw wa ya ka jaitbru wa khian paaid.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong ka tai ka yurim ka seiñ da dawa ko na ki bor wa toh u pait wow pyndam noh ya u tai u bru syndon naka EPIC wa Aadhaar wei ka seiñ da ujor ko katkam ki kyndon wa da booh ha ki bor wa pait ya ini.

Ka seiñ ka kyntu ko ya ki Sordar /Waheh Chnong wym hoi u e Certificate kulmar ki cha ki bru wa na baar neibhah pynchlur ko ya ki wow wan chong chnong wei wow dawa ya ka hok man tre chnong.

Ka seiñ ka kyntu joor ko leh ya ki Booth Level Officers (BLO) wow pait wow bichaar bniah bha ya ki kot ki sla hawa ki pynpsiah pyrtuid ya uwon uwon u bru haka Electoral Roll.

Heijooh i por ka seiñ da maham ko leh ya ki kattu katni ngut ki Sordar/Waheh Chnong wa ki dkhot ki saiñhima sima kiwa emkti wow yarap ya ki wa na baar yow pynbiang ya ki kot ki sla yong ki du yow yoh myntoi ki samen khlem da pyrkhat ya ka mynried ka mankawi ka jaitbru.