Jowai: Kam chibynta u pynku ya ki kaam rep kaam riang ha ki thaiñ khappood, ka Chankylliang Development Society (CKDS) ha kani ka 2 tarik da chna ko ya ki Farmer’s Club kawa man kam ka seiñ ki warep hapoh ka chnong Psiar (Block 1&2) West Jaiñtia Hills District.
U D. Shadap u Executive Director yong ka CKDS da ong u wa i thmu yong kani ka Club toh yow pynku wei wow pynchlur ya ki warep wei kamjooh leh yow suk u yoh ya ki yarap na ki Scheme sorkar kiwa boon ki por ym jooh poi ki cha ki thaiñ khappood.
Da ong u leh wa kwah u wow pynyoo wa ka Block kamjooh ka district dang kdung lang ko ya ki chnong ki wa haap hapoh Block 1 & 2 wei ym em leh chilliang.
Ka sieñ leh em ko i thmu wow leh ya ka Market Linkage yow pyllai yaaw ya u syiñ u chyrmit wa u saroo wei ka seiñ leh da pynkhreh ko u chna wot ya ka Helpdesk namo ka Information Center ha ki District Head Quarter yow suk ki warep u thooh yutip chaphang ki Scheme sorkar wa yarap ya ki warep wa kiwi kiwi de yow suk ki paidbah yong kini ki thaiñ ha kiwa boon ki liang.
Discussion about this post