Jowai: Katkam ka FIR wa da booh ha ki pulit ka Phramer ynnin i miet ka 24 tarik da ujor pyrchah ya ki chi payu wa tip kam u Iaishahjingshai Thubru wa u Laihun Thubru wa thmu ki u tynyap ya u Happy George Sungoh deiwa dung ya oo da ka tari ha iwa jia ha Moomala, Nangbah.
U Happy da chah dung u da ka tari wa heh neibynta i rupai wei da pynkit ya oo wut wut cha Civil Hospital, Ialong.
Kini ki arngut chi payu da dat won ki leh sa ya u diah u Happy u Treda Sungoh da u dieñ wei da takha u na khlieh wa na tympha.
Kini ki arngut da rah wait ki leh wow pom ya ka Linda Sungoh kawa man ka beikhian kiwa chah dat kawa da wan wow yarap ya ki.
Hadien wa pyntip ya ki pulit da wan kem ki ya u Laihun Thubru katwa u Iaishahjingshai Thubru won da yut u.
Da suba wa kani ka kaam toh neibynta ka kaam Election heiwa uwa chah dung toh uwa kyrchaan UDP katwa kiwa dung toh kiwa kyrchaan BJP.
Discussion about this post