Jowai: Ka 7th U Kiang Nangbah Memorial Inter Office Football Tournament wa pynman da ka Meghalaya State Government Employees’ Federation, Jaiñtia Unit da pynkut ya ka ynne ka sngi da ka yakhun Final hapyrdi ka West Jaiñtia Hills District Police XI pyrchah ya ka PHE XI.
Kani ka Tournament toh kawa sdang nadooh u 8 tarik Duyatra (Jan) uni u snem tangwa neidaw wa em ka Election MLA da ye u pynkut ya ka ynne ka sngi ha madan Kiang Nangbah Stadium, Ladthadlaboh.
Ha kani ka Tournament da em 7 tyilli ki tnat sorkar wa wan chimbynta.
Hawa kyruiñ cha ka yalehke Final man ko kawa ya khaaid bha heiwa ka kylla step da kut ko khlem em wa thap kool wei da yoo dur leh ka kylla miet leh u kot ko khlem em wa thap kool tangwa ha ka minit wa 80+1 u K. Thabah da yoh u thap kool chwa wow kut i por. Da pynman ya ka yalehke mar 40 minit chi kylla.
Kamtæ ka WJHD Police da jop ko da 1-0.
Ha kani ka sngi leh da saam leh ya ka khusnaam Best Goalkeeper cha u Heimonmitre Langbang uwa yalehke ya ka Police, Top Scorer da yoh arngut u Kenneth Thabah yong ka Police wa u Gilbertstar Kharmujai naka 3rd MLP Battalion kiwa da yoh u thap mar 5 kool wei u Kenneth Thabah leh da rah u yei naam Best Player of the Tournament.
Discussion about this post