Tympleh ka HANM – EJH yeiwa thoh bakla ka Company GRIL yei pyrtuid ki chnong hapoh ka EJH

Jowai: Hadien wa mih kiwa boon ki ujor na ki seiñbhalang yei thoh pyrtuid bakla ka Company GR Infra Ltd (kawa chna pyn-heh ya u sarok Jowai-Malidor) ya kiwa boon ki chnong ki thaw tymbud u sarok ha EJH District, neiliang ka HANM-EJH hapoh i yah khmat u President ka seiñ u Ency Shadap wa u Wanchas Dhar Working President ka Ladrymbai Unit da lai tympleh ki ya ini i thoh bakla deiwa biah dei rong.

Ka seiñ da ong ko wa ini i leh kani ka Company da pynhiar dor ko ya ki chnong ki thaw kamjooh ya ka District hi waroh kawi, kamtæ neiliang yong ka HANM-EJH da dawa ko naka GR Infra Ltd (GRIL) wow kylliang wei wow pynbait noh chi syndon ya kini ki Signboard kiwa em harood u sarok NH-44.

Ka seiñ leh da kyntu ko ya ki bor District kamjooh ya ki bor chnong wow pait bniah bha ya kini ki Company kiwa wan na baar khnang wow lait ki u yohlaad wow leh kulmar kamni.