Shillong: U Montri Rangbah ka jylla u Conrad K Sangma da ong u wa ka sorkar jylla yieñ bait ko katkam u pood u ang wa da pynbait nadooh u snem 1979-80.
U Montri Rangbah da ong u ya ini hawa jubab yeiwa kylli wa da wanrah da ka MLA ka East Shillong ka M. Ampareen Lyngdoh hapoh ka yung dorbar wa ynne ka sngi.
Heijooh i por, u Montri Rangbah da ong u wa ka Assam leh da pynyoo ko da ka yong ka hi ka Political Map wei toh na ini i daw wa da mih i yakajia knieh thaw hapyprdi kini ki ar tylli ki jylla.
Da pyntip u leh wa da em 12 tylli ki thaw wa joor bha i yaknieh wa ka jylla Assam wei neiliang ka sorkar jylla dang booddien ko ya ini wow poi cha ka pynbait noh ya u pood u ang.
Chwa ini, u montri ka tnat Revenue u Kyrmen Shylla da pyntip u wa i thaw wa yaknieh da heh ki hadooh kamwa 2729.14 Sq. Km ha waroh kawi ka jylla.
Discussion about this post